|
|
- 甘苦人乐团 细汉时的海 歌词
- 甘苦人乐团
- 作词：林志立
作曲：林志立
天 渐渐光
月娘 愈来愈远
海涌 规暝无困
我阁转来恒春
目睭 渐渐酸
海涌取走你的青春
我 规暝无困
目屎拢对腹内吞
天 渐渐光
渔船 愈来愈远
海风 规暝无困
伊的名欲佗问
目睭 渐渐酸
妳敢是犹原想阮
我 规暝无困
转去的路遐尔远
想起细汉的时阵
有妳取我去看海边的黄昏
妳的背影 遐迩生份
妳的名我嘛念袂顺
看妳一摆阁一摆的离开阮
亲像海涌一直拍伫我身躯
海水的苦我毋敢吞
心肝是比啥阁卡酸
是我讨债我的灵魂
予妳一直等待袂好困
是海岸的黄昏
出帆的渔船
原谅我
袂合转去恒春
天 犹原光
路 愈行愈远
想起妳的温柔
我阁转来恒春
目睭 不再酸
行过咱的家门
无看着熟似的面样
只䞐都市来的孤船
漂流伫海顶的船
妳想着离开的时阵
目屎袂赴吞
妳讲妳会思念阮
我一摆阁一摆的离开渔村
妳也一直像海涌守伫遐无困
转去的路比渔船驶卡远
无勇气阁吞一摆苦酸
是我讨债我的灵魂
一直伫都市骗家己拢袂怨恨
伫这看无黄昏
毋免海水的渔船
海涌啊
莫阁离开阮
莫阁离开阮
|
|
|
|
