|
|
- 林子祥 對話 歌詞
- 林子祥
- 作詞：陳少琪
作曲：Blow/Mathe
林：CHERRY！乜你今朝又咁遲
係咪又等唔到巴士？
定話要睇牙醫？
點解你頭髮好似鬈咗啲？
塊面就紅卜卜係咪搽咗胭脂？
十足十好似那個荻野目洋子！
點解你可以搽到啲手指
全部紅橙黃綠青藍紫？
又點解帶住咁多古靈精怪嘅戒指？
係咪十八歲未夠就已經成咗婚事？
係咪以為咁樣做就會突出啲？
你咪成日掛住揾羅曼史
最怕就識咗出面個啲壞嘅男孩子
你講句LOVE YOU BABY BABY你就會有BB
到你做錯咗事你就會恨遲
女孩子要矜持學下禮義廉恥
乖乖地勤力啲
咁至得人鍾意！
(這一串日子，青春有一串心事)
你有野要話我知！
(這一串日子，必需要相信老師)
你要照我嘅意思！
蔡： 你淨系識得當我係小孩子
其實我並唔係你唸得咁無知
返學唧日子要搏命考試
生命除此簡直白過白紙
你就對我講莫負少年時
從來無去了解我嘅心思
你咪以為我想學小說故事
日夜追尋浪漫揾白馬王子
只係有個Boy Friend會開心啲嗜
可以聽我講下我嘅心事
我地生長係呢個大城市
變好定變壞根本無定義
一切都係由大人嚟話曬事嘅
其實你地都會奸險同自私
書本話努力就有好日子喔
世界係咪咁理想我都好懷疑
(這一串日子可壓抑我心事)
你咪當我係三文治！
(這一串日子 不可以一切告知)
我有我嘅意思！
林： 我既然做得你嘅老師
就要看管你嘅言行舉止
但係我都明白成長嘅日子
面對千種引誘實在好難支持
蔡：我都知你嘅責任無法停止
要顧住校長又要對住同事
要顧住老婆又要顧住兒子
日日團團轉好似地球儀
林：我細個那陣時都好百厭無知
但係日子一過好快就成為歷史
蔡：大人都可以玩得好放肆嘎
唱嚇卡啦OK可以落嚇D
林：呢啲咁唧玩意系絕對唔益智
蔡：不如今日放假我地再傾耐啲呀
林：我請完鋸扒以後就你要乖啲
蔡：你落唔落後啲呀宜家興食壽司呀
(這一個日子開解了一切心事大家都開心啲)
(這一個日子找到了心裡拍子)
(這一個日子開解了一切心事大家都開心啲)
(這一個日子找到了心裡拍子)
|
|
|
|
