|
|
- 羅布桑珠 悔改 歌詞
- 羅布桑珠
- ༺ བློ་ཤེས། ༻
ཚིག་གདངས་གཞས་པ། ནོར་བུ་བསམ་གྲུབ།
གཞས་ཚིག་སྒྲིག་བཟོ། འཕྱོངས་རྒྱས་བསོད་དབང་།
ཡོའོ། དྲིན་ཆེན་ཕ་མའི་བཀའ་དྲིན་འོག་ལ།
མི་ལུས་རིན་ཆེན་ང་ལ་ཐོབ།
དྲིན་ཆེན་ཕ་མའི་བྱམས་སྐྱོང་འོག་ ལ།
ང་ནི་གཅེས་ལང་ཤོར། སེམས་ནང་།
ཕ་མའི་བཀའ་དྲིན་མ་བསམ།
ཉིན་ལྟར་ཕྱི་ལ་འཁྱམས་པར་ ཕྱིན།
དགོས་པའི་ཤེས་བྱའི་རིག་ལ་མ་བརྩོན།
ཐ་མ་སྦི་རག་ང་ཡིས་སྦྱངས།
ཉིན་གཅིག་ཕྱིན་ཉིན་གཉིས ་ཕྱིན།
ཉིན་གསུམ་ཉིན་བཞི་ཉིན་ལྔ་ཕྱིན།
སློབ་གྲྭར་མ་ཕྱིན་རྒྱག་རེས་བརྒྱབ།
ནང་ལ་ལོག དངུལ་གཅིག་བརྐུས །
མི་ཡིས་ལྤགས་པས་བཏུམ་པ་ཙམ་ལས།
བསམ་བློ་གཏོང་མི་ཤེས།
ལང་ཚོར་གཅེས་སྤྲས་བྱེད་མི་ཤེས།
ཕ་མར་བསམ་ཤེས་དེ་བས་བྱེད་མི་ཤེས།
ཐ་ན་གང་ཡང་མེད་པའི་ཕན་མེད་ཟོག་རོ་ཞིག་ལྟར།
ཉིན་མཚན་མེད་པར་ཕར་འཁྱམས་ཚུར་འཁྱམས།
ཡང་བསྐོར་བསྐྱར་བསྐོར། ཡང་བསྐོར་བསྐྱར་བསྐོར།
དེ་འདྲའི་འཚོ་བར་སྙིང་པོ ་གང་ཡོད་ད་ཆ་ང་ཡིས་ཧ་མི་གོ
ཤར་ཕྱོགས་རིའི་རྩེ་ནས་ཉི་མ་ཤར་བའི་དུས།
ང་ཡི་མི་ ཚེའི་མདུན་ལམ་འཚལ་ནས་ཡོད།
བྱམས་དང་དྲོ་བའི་དྲིན་ཆེན་ཕ་མའི་པང་ནས་ཁ་བྲལ་ནས།
ཟང་ཟིང་གི་ སྤྱི་ཚོགས་ཐོག་ཉིན་ལྟར་ཁྱི་སྨྱོན་ལྟར།
འོད་སྣང་མེད་པའི་འཚོ་བའི་ནང་དུ་འཚར་ལོངས་བྱེད་བཞིན།
རང་ཉིད་ མཐའ་འཁོར་མི་རྣམས་ནི་ཤ་ལ་དགའ་བའི་སྤྱང་ཀི་འདྲ་ལ།
འདྲེ་དང་འདྲ་བའི་གད་མོ་ང་ལ་བགད་ནས་བསྡད ་འདུག
སྐབས་དེར་ངས་ཕྱིར་བལྟས་ཞིག་སློག་ནས་བལྟ་དུས།
ཨ་ཙི་རིང་ཞིང་དཀར་པོར་འགྱུར་བའི་དྲིན་ཆེན་ཕ་ མ།
སྤྱན་ཆབ་ལྷུང་ནས་འདུག
དེ་ནས་སེམས་ཐག་བཅད་དེ་སློབ་གྲྭར་འགོ་ནས་ཕྱིན།
འོན་ཀྱང་སྔོན་མའི་ སློབ་གྲྭའི་འཚོ་བའི་བྲོ་བ་དེ་དག་བསྡད་མི་འདུག
རྒན་ལགས་རྣམས་ཀྱི་སྤྱན་ནང་ང་ནི་སློབ་ཕྲུག་སྡུག་ཅག་ཞིག
སློབ་མ་རྣམས་ཀྱི་མིག་ནང་ང་ནི་སློབ་གྲོགས་སྡུག་ཅག་ཞིག
རོགས་པ་རྣམས་ཀྱི་མིག་ནང་ང་ནི་གྲོགས་པོ་ སྡུག་ཅག་ཞིག
དེ་ནས་ཉིན་གཅིག་ཕྱིན་ཉིན་གཉིས་ཕྱིན།
ཉིན་གསུམ་ཉིན་བཞི་ཉིན་ལྔ་ཕྱིན།
མི་ཚེའི་ལམ་ བུའི་སྟེང་ལ་འགྲོ་ཁའི་བུ་ཆུང་ང་ལ།
མ་ཤེས་པ་འཕྲད་སྐབས་འདྲི་སའི་བཤེས་གཉེན་མེད།
རང་གི་སེམས་པ་མཐུན ་པའི་གྲོགས་པོ་ང་ལ་མེད།
སྤུན་མཆེད་རྣམས་ཀྱི་ཡིད་ཆེས་དེ་བས་ང་ལ་མེད།
གཞས་ཚིག་སྒྲིག་བཟོ། འཕྱོངས ་རྒྱས་བསོད་དབང་།
འདས་ཟིན་པའི་ལོ་ཟླ་དེ་རྣམས་ཕྱིར་ལོག་རྒྱུ་མེད།
མ་འོངས་ཀྱི་དུས་ཚོད་དེ་ལ་ འབད་བརྩོན་ཞིག་གྱིས་དང་།
ཚུར་ལ་གསན་དང་། ང་ཡི་གྲོགས་པོ་གྲོགས་མོ།
འབད་བརྩོན་གྱིས་དང་།
ང་ཚོའི་ཕུགས་བསམ་གྱི་ཆེད་དུ་ང་ཚོའི་མདུན་ལམ་འདི་ཡི།
ལམ་ཟུར་དེ་ནས་ལག་གཡུག་བརྒྱབ་བཞིན་འདུག
ཁྱེད ་ཚོས་ཁ་ཕྱོགས་ནོར་ནས་མ་ཐད་རོགས།
དེ་ནས་ཡང་ཉིན་གཅིག་ཕྱིན་ཉིན་གཉིས་ཕྱིན།
ཉིན་གསུམ་ཉིན་བཞི་ཉིན ་ལྔ་ཕྱིན།
ང་ཚོར་དགོས་པའི་དྲོ་བའི་ཉི་མ་ཤར་སོང་།
ཕ་མའི་ཞལ་ནས་དགའ་བའི་འཛུམ་མདངས་ཞིག་ འཕྱུར་སོང་།
ད་ཆ་ང་རང་འགྲོ་བའི་ལམ་བུ་དེ་ལ།
ང་རང་གཅིག་པུ་མིན་པར།
རང་གི་ སེམས་པ་མཐུན་པའི་གྲོགས་པོ་ང་ལ་ཡོད།
སྤུན་མཆེད་རྣམས་ཀྱི་བྱམས་བརྩེའི་སྤྱན་གྱིས་གཟིགས་བྱུང་།
བྱས་ཙང་ངའི ་རེ་བར་ད་ལྟ་ཁ་ཕྱོགས་ནོར་ནས་ཡོད་པའི་གཞོན་ནུ་ཚོ།
གལ་སྲིད་ཁྱེད་ཚོར་སེམས་ཤུགས་ཡོད་ན་ཕྱི་དྲགས་ མེད།
ཁྱེད་རྣམས་པས་ཕྱིར་བལྟས་སློག་ནས་གཅིག་ལྟོས་དང་།
ཕ་མའི་སྤྱན་ཆབ་དེ་ཕྱིས་དང་།
རང་ཉིད ་ཕུགས་བསམ་ཆེད་དུ་འབད་བརྩོན་ཞིག་གྱིས་དང་།
ཡེ། ཤར་ཕྱོགས་ནས་ཤར་བའི་ཉི་མ་དེ་ཡིས།
ནམ་ཡང་ ང་ཚོའི་མདུན་ལམ་དེ་ལ་བལྟས་ནས་བསྡད་ཡོད།
ཤར་ཕྱོགས་རིའི་རྩེ་ནས་ཉི་མ་ཤར་བའི་དུས།
ང་ཡི་ མི་ཚེའི་མདུན་ལམ་འཚལ་ནས་ཡོད།
|
|
|
|
