- 何崇志 就係麥太臨盆既時候 歌詞
- 何崇志
- 麥兜:就係麥太快要臨盆既時候
有一個膠兜向九龍既上空飛過
沿住荔枝角道直出大角咀道
經過好彩酒家
再左轉出番花園街樂園牛丸王既對上
唔係喎
先去街市大樓個間妹記魚脯粥個度轉下轉下
都係出番去亞皆老街飛過火車橋右轉入太平道
再右轉屈番出去窩打老道向女人街方向
最後膠兜飛左入去廣華醫院既候產房
亦即係麥太右邊「雲精」對上
都係唔好
左邊「雲精」對上
轉下轉下轉下……
麥太認定呢個系異象
於是向「雲精」對上既膠兜許願
而腦入面
亦實時出現左佢快要出世既仔既樣
麥太:希望佢好聰明讀書好叻
麥兜:膠兜對麥太既願望似乎無咩表示喎
於是佢對膠兜補充咁話……
麥太:或者讀書唔叻出黎做野叻呢?
又或者呢……
麥兜:又或者係好靚仔好靚仔
好似周潤發同埋梁朝偉咁靚仔
膠兜似然系咁系度轉
好似一的應承既跡像都無
麥太一時心虛
拿拿臨系膠兜未落地之前起過另一個願
拿就算唔係咁聰明咁靚仔
只要福聲高照一世夠運
乜野事都逢凶化吉呀下
麥太:佢靠自己有料解決的野就梗係好啦
不過運氣都好緊要喎
雖然似梁朝偉周潤發
都唔慌佢無運行
但係都要叻仔先得架
膠兜:啪……嘀嘀督督……(落地聲)
麥兜:最系膠兜「嘀督」一聲落地
嘀督……嘀督喎即係應承啦
麥太心諗今次冇死啦
但係應承左的咩呢?
叻仔???好運???
定係話似周潤發呀???
為左記念哩個賜福既膠兜
麥太決定將個仔既名叫做麥膠
麥太:都係唔好……
膠膠聲咁難聽不如叫麥兜啦
麥兜:各位
我就係哩個差少少就叫做麥膠既小朋友
麥兜
|
|
