|
|
- 尹光 亞燦自嘆 歌詞
- 尹光
- 作詞：梁山人
作曲：古曲
為逃亡怎知是蠶自困
偷到香港謀生想起真太笨
(個個都話香港系天堂㖞)
不惜冒著暴雨嚴寒水上浮漂個心又震
實在唔死我都真夠運不少同志浸死空抱恨
(唉以為話大難不死必有後福
點知遊咗上岸仲心驚膽跳添呀)
在荒山暫避隱我又怕官兵追近唯有系晝伏和夜行
挨盡了飢渴沉痛暗斷魂
逃避過災劫松返一陣能混進都市更開心
唯學蛇入竇喇無奈何作黑市嘅移民
(唉人偷渡我又去學人偷渡
早三五年嚟就話有個身份證啫
而家都無身份證發咯
行街我又驚警察拉做工又無人請點死呢)
做移民身中若無綠印
想到工廠做工你盞得個恨
(請我邊個肯犯法呀)
食住著和行兼共茶煙幾樣癮
唉焗住靜靜出街通處混希望能搏點小僥倖
(唉識啱班衰人初初叫我去打劫我都唔敢嘅
但係肚餓又挨得幾耐呢唔好話打劫呀㓥人都去呀)
問本心實未敢卻為了逼於生活無奈要做個亡命人
誰料咁啱線行劫會被擒
懲罰判監禁終生抱撼牢獄裡苦困怎翻身
谁愿來憐憫唯自長嘆識錯班壞人
|
|
|
|
