- 暴斯 關於黑熊 歌詞
- 暴斯
- 關於黑熊
暴斯
beat:Keyshia Cole - I Aint Thru
verse1
虐待動物係咪算係返樸歸真
用條管道刺穿我嘅身
你唔知道我痛唔痛
話我每日好食好住晚晚發好夢
膽汁係咪高級貨都唔關我事
我呢一世都冇可能品嚐一次
如果可以救人一命個話我好樂意
但係上帝並冇批准你哋放肆
我寧願死，都唔想處於地獄
血淋淋嘅錢我希望膽汁有毒
響森林入邊我係一個強勢
入到嚟，我完全就係契弟
我相信大自然平等之中嘅不平等
幾時人類良知發現我係度等緊
好似救貓狗一樣救我有冇可能
想好似豬牛一樣一死了之唔算過分
chorus
黑熊跌入黑洞, 關入黑籠
黑心人賺住黑錢發黑金夢
黑嘅, 紅嘅, 黑熊嘅人嘅
係錢, 係血, 係必要解決
verse2
血紅色嘅鈔票向我嘲笑
專家級嘅辯駁太過巧妙, 我冇力呼叫
貓狗被解放過後, 幾時嚟拯救黑熊
我知道自己相貌並不唔得寵
食動物嘅習慣暫時好難改變
而我一萬個兄弟嘅命運有冇可能改善
堂而皇之賺黑心錢就係你嘅哲理
理得我痛苦致死
再多花言巧語都講唔出道理
用暴力加欺騙為自己謀取暴利
普通嘅藥效材料大有來頭
再唔制止受害者陸續仲有
停手停口係進步唔係停留
沉默只係幫兇黑熊需要營救
世上嘅生命同我哋無冤無仇
不作為, 我會覺得內疚
|
|
