|
|
- 野佬 十八後 歌詞
- 野佬
- 作詞：Jim
作曲：Chris
編曲：野仔/Adrian Chan
監製：3721 Productions / jimjim
家豪：響永遠懷念我們敬愛的陳老師群組
揾到你個名同埋留言，睇埋啲相，
果然係你。最近點呀？
中七之後，原來我的十幾年無見。
見你Profile寫住多倫多，係咪已經移左民喇？
仲記唔記得有日我響碼頭同你講過，
我會同佢一生一世？最後，
我同佢響中七之後嘅夏天就散左喇。
之後我都有拍過好幾次拖，但係到最後都無結果，
上年分開那個差少少就結婚，
但佢話我無份工做得長唔夠成熟，然後就分開左。
本來諗住一齊住嘅地方而家得我一個獨居。
決定搬出去自己住之後，
有一晚我執野發現左一部1973年嘅相機。
呢，係你爸爸留俾你那部呀，記唔記得呀，
那日我話想試用嚇單鏡機，你第二日就借左俾我。
那次我影完啲相原來竟然無曬到，
上星期我拿左去曬喇，發現大部份都係佢嘅相，
除左一張試用嘅時候捉住我媽媽試影嘅相,
我而家先發現呢幾年原來我媽媽白頭髮多左好多。
雖然我的好耐無見，
但係唔知點解就好似細個我的深夜傾電話咁，
有好多野想話俾你知，自從出左嚟做野之後，
都好難再揾到好似你咁嘅密友。
幾時會返嚟香港呀？
呀，可以話俾你知嘅系，
我的那首一齊作嘅合唱歌，
最後我去到學校禮堂都係無唱到。
其實點解那次你無出現響歌唱比賽嘅？
係咪真係好似其他同學所講，
你都係鍾意左 但係我一直都唔知呢？
喺你相簿入面出現嘅小朋友係咪你個仔呀？
咁有無話俾佢知佢爸爸曾經諗過大個左之後
做一個職業嘅車手呀？
其實你而家又做緊羊？
|
|
|
|
