|
|
- 吳晉淮 碧潭假期 歌詞
- 吳晉淮
- 風和日暖好天氣好天氣
炎熱日頭出上天(上：ziun¯)
鳥聲亂亂啼荷伊諾荷伊
頂日我有約束伊碧潭過假期
滿面春風歡歡喜喜景色笑微微
咱雙人洋洋得意,合唱青春詩荷伊
雙人行過天線橋天線橋
沿路那行那呅笑
毋管日頭燒荷伊諾荷伊
半坐半倒樹跤歇手攬橫身腰(跤：ka)(橫：huaiNˇ)
水邊男女雜音亂叫鬧熱嗄嗄叫
劃小船雙雙影照靜靜水面搖荷伊(劃：gorˋ)
擔來坐在遊覽船遊覽船
妹妹並偎搭心君
潭中慢慢運荷伊諾荷伊
船在水邊佇歇困談情笑呅呅
毋驚踅船啥款議論天清無烏雲(踅：seh¯)
怎樣有情歸日伴阮遊賞到黃昏荷伊
------------------------------------------
《碧潭假期》Phik-thâm Kà-kî
吳晉淮Ngôo Tsìn-huâi
風和日暖好天氣
hong-hô ji̍t-luán hó thinn-khì
好天氣
hó thinn-khì
炎熱日頭出上天
iām-jia̍t ji̍t-thâu tshut tsiōnn-thinn
鳥聲亂亂啼
tsiáu-siann luān-luān thî
謼咿呶謼咿
hooh-ih-nooh hooh-ih
頂日我有約束伊
tíng-ji̍t guá ū iok-sok i
碧潭過假期
Phik-thâm kè kà-kî
滿面春風歡歡喜喜
muá-bīn tshun-hong huann-huann-hí-hí
景色笑微微
kíng-sik tshiò bî-bî
咱雙人洋洋得意
lán siang-lâng iông-iông tik-ì
合唱青春詩謼咿
ha̍p-tshiùnn tshing-tshun si--hooh-ih
雙人行過鐵線橋
siang-lâng kiânn kè thih-suànn-kiô
鐵線橋
thih-suànn-kiô
沿路那行峇文笑
iân-lōo ná kiânn bā-bûn tshiò
毋管日頭燒
m̄-kuán ji̍t-thâu sio
謼咿呶謼咿
hooh-ih-nooh hooh-ih
半坐半倒樹跤歇
puànn -tsē puànn-tó tshiū-kha hioh
手攬妹身腰
tshiú lám muāi sin-io
水邊男女雜音亂叫
tsuí-pinn lâm-lú tsa̍p-im luān kiò
鬧熱哈哈笑
lāu-jia̍t ha-ha tshiò
劃小船雙雙影照
kò sió-tsûn siang-siang iánn tsiò
靜靜水面搖謼咿
tsīng-tsīng tsuí-bīn iô--hooh-ih
今來坐在遊覽船
tann lâi tsē tsāi iû-lám-tsûn
遊覽船
iû-lám-tsûn
妹妹並倚貼心君
muāi-muāi phīng-uá tah-sim kun
潭中慢慢遊
thâm-tiong bān-bān iû
謼咿呶謼咿
hooh-ih- nooh hooh-ih
船在水邊咧歇困
tsûn tsāi tsuí-pinn teh hioh-khùn
談情笑文文
tâm-tsîng tshiò bûn-bûn
不怕世人啥款議論
put-phà sè-jîn siánn-khuán gī-lūn
天青無風雲
thinn tshinn bô hong-hûn
妹有情規日伴阮
muāi iú-tsîng kui-ji̍t phuānn gún
遊賞到黃昏謼咿
iû-siúnn kàu hông-hun--hooh-ih
|
|
|
|
